Patay ang isa ka lalaki matapos mabun-an sang wala pa makilal-an nga kalalakihan sa distrito sang Jaro.

Ang biktima nakilala kay Leo Tamon sang Barotac Nuevo, Iloilo kag nag-angkon sang madamo nga pilas sa nagkalain-lain nga parte sang iya lawas.

Nahibaluan nga nagahulat sang salakyan ang biktima kaupod ang abyan sini sa Tagbak Terminal apang ginpalapitan ini sang tatlo ka lalaki kag gulpi nga ginbuno.

Gindala pa sa West Visayas State University Medical Center ang biktima apang gindeklarar ini nga dead on arrival.

Padayon naman ang imbestigasyon sang kapulisan sa nasambit nga krimen.* KVB