Nagalab-ot sa masobra P150,000 tanan ang balor sang kagamitan nga nakuha sa isa ka establishiyemento komersyal nga ginkawatan sa siudad sang Roxas.

Suno kay Norberto Albason, tag-iya sang Albason Tiles and General Merchandising sa may Arnaldo Boulevard, Roxas City nga nakit-an na lamang sang mga tinawo sini nga guba na ang pwertahan sang tindahan kag naglapta ang mga gamit sa sulod.

Kalakip sa nadagit sang mga kawatan ang mga cellular phone nga nagabalor sa P18,000 kag mga alahas nga baligya sini.

Nasapwan mismo sa gwa sang tindahan ang nabali nga tinidor kag maso nga mahimu gingamit sang mga kawatan agud gub-on ang pwertahan.

Gina-imbestigaran pa kon ini isa ka inside job.