Patay ang isa ka lalaki nga trabahador sang isa ka junk shop sa Maasin, Iloilo, Lunes sang gab-i.

Nakilala ang biktima kay Jason Cuesa sang Dumarao Capiz.

Wala na matabangan pa ang biktima kag gindeklarar nga dead on arrival sa Ramon Tabiana Memorial District Hospital bangud sa naangkon sini ngakapilasan sa liog, likod kag magtimbang nga butkon.

Gilayon naman nga nadakpan ang suspek nga si Jeremias Decer, 30, sang Barangay Nagba Maasin.

Nakuha sa suspek ang bingangon nga ginapatihan gingamit sa krimen.

Daan nga hiligut-on ang ginatan-aw nga motibo sa krimen.

Sa subong, preso na ini sa karsel sang Maasin Police Station kag natalana nga pagakasuhan sang murder.*