Patay ang isa ka lalaki matapos mabungguan ang ginamaneho sini nga tricycle sang isa ka salakyan nga ginapanag-iyahan sang munisipyo sang San Rafael.

Nakilala ang biktima kay Ronald Malinao sang Brgy. San Juan, Barotac Viejo nga nag-angkon sang makamamatay nga pilas sa ulo, liog kag iban pa nga parte sang lawas sini.

Nahibaluan nga sakay sang van ang punong barangay sang Brgy. Trinidad Gumban sang Poblacion San Rafael sang mabungguan sini ang nagasugata nga tricycle ni Malinao.

Gina-imbetsigahan pa subong kon may sala ang driver sang van sa aksidente.* KVB