SYUDAD SANG ROXAS, Capiz, -- Mga patigayon sang "Scubasurero" ang Philippine Coast Guard (PCG) – Roxas City Station sa Hunyo 6 sa kalalawran kag baybayon sang Baybay Beach diri sa syudad bilang kabahin sang mga aktibidades sa selebrasyon sang anibersaryo sang PCG sa Western Visayas.

Ginpahayag ni LJG Jimmy Oliver Vingno nga amo ang station commander sang PCG – Roxas City nga ang "Scubasurero" ang nagatuyo nga magpaninlo sang mga baybayon, kalalawran kag mga coral reefs.

Ang nasambit nga hilikuton ang pagapasakupan sang mga katapu sang Capiz Responsible Divers, 604th PCG Auxiliary kag mga opisyal subongman empleyado sang PCG.

Apang gindugang ni Vingno nga ila man paga-imbitaron ang mga opisyal sang kabarangayan nga magpasakup sa pagpanglimpyo sa kadagatan.

Samtang ginapaabot man sang PCG – Roxas City Station si PCG chief Admiral Edmund Tan nga magbisita sa syudad sa Hunyo 13 kaangut sa selebrasyon.

Nahibaluan nga si Tan ang nakapangalagad bilang PCG – Roxas City station commander sang 1995 ang natalana nga magpatigayon sang courtesy call sa mga lokal nga opisyal sang syudad kag probinsya.

Matandaan nga nagpasakup man ang PCG sa "Lakad Alay sa Karagatan" sang Mayo 30 kaangut sa Ocean Month nga selebrasyon sang Mayo agud nga magpakita sang pagkabalaka kag pag-amlig sang kadagatan.*PIA

Nagtulog na lamang sa multicab ang isa ka tawo bangud grounded ang mga dingding sa ila balay sa isa ka subdivision sa Pavia.

Suno kay Melchor Glemer wala sila sang mahimu kundi ang magtulog na gid lang sa gwa sang ila balay bangud grounded ang ila balay sa Deca Homes Subdivision sa Pandac, Pavia, lakip na ang ila steel gate kag naga-init lakip na ang salog.

Pasalamat naman ang myembro sang pamilya nga wala sang may nakuryente sa ila.